Agjencia federale në Gjermani ka njoftuar ditën e sotme se 5 anëtarë të dyshuar të Shtetit Islamik u arrestuan në shtetin e Rhein-Westfalisë për planifikimin e sulmeve terroriste kundër forcave amerikane.
Të dyshuarit u arrestuan në veri të Rhine-Westphalia, raporton Associated Press. Prokurori gjerman tha se të arrestuarit janë nga Taxhikistani, të identifikuar si Azizjon B., Muhammadali G., Farhodshoh K. and Sunatullokh K.
Prokurori tha se katër personat, që iu bashkuan ISIS në janar të 2019-ës, ishin në kontakt me udhëheqësit islamikë të nivelit të lartë në Siri dhe Afganistan nga të cilët morën direktiva. Ky grup i Shtetit Islamik planifikoi të sulmonte forcat amerikane në Gjermani, si dhe individë të tjerë.
Sipas prokurorëve gjermanë, katër personat kishin lidhje me një person tjetër, Ravsan B, që është aktualisht në burg që prej marsit për akuza që nuk bëhen të ditura. Ky person i instruktonte ata si të krijonin bomba artizanale me pjesë që mund të siguroheshin përmes postës.
Ravsan B do t’i siguronte paratë për të kryer sulmin duke pranuar kontratën për të kryer një vrasje me pagesë në Shqipëri, thanë prokurorët gjermanë, megjthatë plani dështoi.
