Me anë të një postimi në Facebook, deputetja e Partisë Demokratike, Oriola Pampuri, ka reaguar në lidhje me arrestimin e ish-kryetarit të bashkisë së Vorës, Agim Kajmaku, në Itali. Pampuri shkruan se Kajmaku është si qershia mbi tortë e festës së PS, duke ironizuar 31 vjetorin e krijimit të kësaj force politike. Pampuri shprehet se shqiptarët duan ndryshim, duan figura të papërlyera, të pakorruptuara, me të cilët të përfaqësohen e ky vend të eci përpara.
“Agim Kajmaku , si qershia mbi tortën e festës së PS. Ajo që ne denoncuam me fakte para dy vitesh, për kryebashkiakun “shembull” të Edi Ramës, u vërtetua sot. Ai nuk ishte doktor shkencash, por trafikant droge paska qenë. Ashtu sikurse janë vërtetuar, gjithashtu po vërtetohen shumë afera korruptive, apo përfshirje në trafik kombëtar e ndërkombëtar droge, që PD ka denoncuar për njerëzit pranë Edi Ramës, të cilët e mbështetën për të qëndruar në pushtet. Shqiptarët duan ndryshim, duan figura të papërlyera, të pakorruptuara, me të cilët të përfaqësohen e ky vend të eci përpara” – shprehet Oriola Pampuri.
