Kryeministri Edi Rama ka reaguar sërish për arrestimin e personit të pestë të dyshuar si pjesëmarrës në grabitjen e në aeroportin e Rinasit.
Në një postim në Twitter, Rama shprehet se është ngushtuar më tej rrethi i keqbërësve falë punës profesionale të Policisë së Shtetit.
Rama shprehet se Policia ka kaluar në një nivel tjetër, duke folur tashmë për rezultate konkrete.
“Arrestohet edhe një autor tjetër i grabitjes së Rinasit, duke e ngushtuar më tej rrethin e keqbërësve falë punës intensive dhe profesionale të Policisë së Shtetit. E cila po provon se ka kaluar në një nivel të ri fuqie goditëse ndaj krimit, duke folur përditë me rezultate konkrete”, shkruan Rama në Twitter.
