Arrestime në Shkodër, Tiranë dhe Roterdam

Kombëtarja e të rejave U20 mundet nga Serbia me 94 pikë diferencë! Këto janë talentet e shkollave 12 milionë euro të Fidel Yllit?

Ministri i Brendshëm Fatmir Xhafaj ka shkruar në Twitter për një tjetër operacion “Forca e Ligjit”, duke paralajmëruar se detajet që u bënë të ditura në një konferencë për shtyp.

“Një tjetër super-aksion policor në kuadër të Operacionit “Forca e Ligjit” nga ana e Task Forcës Speciale Qendrore së Policisë së Shtetit, në bashkëpunim me Prokurorinë e Krimeve të Rënda. Operacioni “Forca e Ligjit” goditje ndëshkuese njëkohësisht në Shkodër, Tiranë dhe Roterdam (Holandë), me disa të arrestuar për një nga grupet kriminale më të rrezikshëm në veri të vendit Detajet në Konferencë për media, sot në 10.00, në Policinë e Shtetit”, shkruan Xhafaj.

Prokuroria e Krimeve të Rënda dhe policia e Shtetit kanë finalizuar operacionin e koduar “Oaz” duke vënë në pranga 11 persona në Shkodër, Tiranë dhe Roterdam të Holandës, si dhe shpallur në kërkim dy të tjerë.

Detajet u bënë të ditura nga kreu i policisë Ardi Veliaj dhe kryeprokurorja e Krimeve të Rënda Donika Prela.

Sipas tyre grupi vepronte kryesisht në Holandë. Akuzat janë vrasje me dashje e mbetur në tentativë, në bashkëpunim, vrasje me dashje e kryer në bashkëpunim, prodhim dhe mbajtje pa leje e armëve, organizim i lotarive të palejuara, pastrim i produkteve të veprës penale, shtrëngim me anë të kanosjes, prodhim-shitje narkotikësh etj.
Si vepra të rënda kriminale janë dy vrasje të ndodhura në Shkodër në 7 shkurt 2001, dhe 20 qershor 2002.