Policia e Vlorës ka shpallur në kërkim 34-vjeçarin me inicialet E.B, pasi zotëronte armë pa leje. Bazuar në informacionet e marra në rrugë operative se E.B mbante armë zjarri, policia ka ushtruar kontroll në banesën e personit në fjalë dhe si rezultat u gjetën dhe u sekuestruan në cilësinë e provës materiale, një armë zjarri pistoletë dhe një sasi fishekësh.
Ndërsa policia e Delvinës, pas një kontrolli të imtësishëm të territorit, në fshatin Stjar, Delvinë, në ambient të hapur gjetën të kultivuara bimë narkotike cannabis sativa, të cilat u asgjësuan me zjarr nga ana e shërbimeve të Policisë. Autori i dyshuar është 30-vjeçari me inicialet, G. Ç., i cili u shpall në kërkim për veprën penale “Kultivimi i bimëve narkotike”.
Gjithashtu edhe policia e Sarandës nisi procedimi penal për 27-vjeçarin me inicialet M.M, pasi gjatë kontrollit të ushtruar nga policia, në vijim të masave për mbarëvajtjen e sezonit turistik, u konstatua se kishte zënë hapësirën publike me shezlongë dhe çadra, të vendosura pa lejen përkatëse, si dhe se nuk lëshonte kupon tatimor për këtë aktivitet.
Ndërkoh policisë Vlorë nisi procedimi penal në gjendje të lirë për 50-vjeçarin me inicialet, E. A., pasi është konstatuar duke bërë punime ndërtimi, pa lejen e organeve kompetente.
Materialet i kaluan Prokurorisë, për veprime të mëtejshme.
