Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Apnea e gjumit dhe rreziqet e saj, Sulaj: Shkakton ndërprerje të frymëmarrjes

Nga Media 0

E ftuar në “Abc e mëngjesit” me Enkel Demin otorinolaringologia, Holta Sulaj ka folur për Apnen e gjumit dhe rreziqet e saj. Holta shpjegon se Apnea e gjumit haset shpesh në të gjithë popullatën, ndërsa u shpreh se është një sindromë e cila ka të bëjë me ndërprerjen e frymëmarrjes gjatë natës.

“Haset shpesh në popullatën e përgjithshme, siptomat më të shumta të saj, janë gërhitja, ndjesi lodhjeje, mungesë gjumi… Shkakton ndërprerje të frymëmarrjes kur je në gjumë, për shkak të rënies së muskulaturës. Kemi Apne Centrale dhe Apne Obstruktive që lidhet me patologji të trurit”, u shpreh Sula.

Apnetë centrale

Apneja centrale e gjumit është një sindrom shumë më i rrallë se apneja obstruktive. Ajo ndodh kur truri dështon në dërgimin e sinjalit muskujve respiratore për të nxitur frymëmarrjen. Ndryshe nga apnetë obstruktive, ku kemi një bllokim në rrugët e ajrit, këtu është truri që shkakton apnetë centrale të gjumit. Kjo ndonjëhere lidhet me dëmtime neurologjike si aksidentet cerebro-vaskulare (AVC) apo një insuficencë kardiake

Apnetë obstruktive të gjumit

Apnetë obstruktive të gjumit ndodhin kur rrugët e sipërme të frymëmarrjes  bllokohen gjatë gjumit.  Zakonisht bllokimi ndodh kur indet e buta të pjesës së pasme të fytit zvogëlojnë, pakësojnë kalimin e ajrit (hipopne), ose lëshohen dhe bllokojnë plotësisht kalimin e ajrit gjatë gjumit (apne). Trupi e ndien që frymëmarrja është ndalur dhe si rrjedhojë pacienti zgjohet për të rinisur frymëmarrjen. Ky cikël përsëritet shpesh gjatë natës (ndonjëherë dhe 50-100 herë në orë) duke ndërprerë në mënyrë të përsëritur gjumin. Në zgjim pacienti është i përgjumur dhe i lodhur.

Më tej mjekja theksoi se nëse ne na ndërpritet frymëmarrja mbi dy minuta njeriu rrezikon të vdesë. “Ne duhet të realizojmë një cikël gjumi me të gjitha fazat. Një apne mun të zgjasë nga 10 sek te i rrituri por deri edhe në 1 minutë. Njeriu vet nuk e kupton dhe kjo duhet të matet. Prek deri në 50 % të popullatës”, u shpreh Sulaj.

Gjithashtu Sula tha se në përfundim theksojmë faktin që apnetë obstruktive të gjumit janë një sindrom që në momentin që dyshohet se ekziston, duhet diagnostikuar sa më parë nga mjeku specialist, me qëllim evitimin e pasojavë dhe ndikimit që ka jo vetëm  në shëndetin dhe jetën sociale të pacientit, por edhe rrezikut që sjell në shoqëri, lidhur me pasojat që mund të sjellë në shtimin e numrit të aksidenteve dhe rrezikshmërinë e tyre.

/abcnews.al/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej