Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

1920 – Çudira shqiptare / Bamirësi me kushte?!

Nga 27.al 0

Nga Armand Plaka

Në këtë foto shfaqet një djalosh nga paria (me shumë gjasa) e Tiranës më 3 prill të vitit 1920. Skeda origjinale që rrjedh nga Arkiva e Kryqit të Kuq Amerikan, nuk na e mundëson identifikimin me emër e mbiemër e as vendin e saktë ku është bërë kjo foto.

Aty thuhet se “ai dëshiron të martohet me një grua amerikane”. Kjo kishte qenë në fakt – po sipas diçiturës origjinale – edhe përgjigja apo kushti i tij ndaj thirrjeve të shumta të bëra nga ana e KKA për ndihmë ndaj mijëra shqiptarëve.

Më tej, në skedën shoqëruese shënohet se ky djalosh “disi i veçantë” është një nga latifondistët e pasur të vendit, i cili tashmë, për shkak të kushteve kaotike të qeverisjes që mbizotërojnë në vend, i duhet të mbajë me shpenzimet e veta një forcë të madhe xhandarmërie për të ruajtur kësisoj pronat e tij. Sidoqoftë, në fund nuk arrijmë të marrim dot vesh – veç emrit e mbiemrit të tij – nëse këtij djaloshi “sqimatar” KKA ia dha atë që kërkonte dhe nëse si pasojë mundi të kontribonte në lehtësimin e vuajtjeve të shqiptarëve, të cilat në atë kohë, të raskapitur nga Lufta, dihet se kanë qenë të mëdha e të shumëllojshme.

Me shumë gjasa, as amerikanët nuk i kanë gjetur dot nuse, e as ai se ka vrarë shumë mendjen për vuajtjet e shqiptarëve. Nëse dikush ka indicie më të qarta për këtë personazh, le të shkruajë te komentet emrin e tij.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej