Dyshimet, gjyqtari dërgoi të birin të merrte ryshfetin
Në orët e mbrëmjes të së hënës policia ka arrestuar gjyqtarin Ibrahim Hoxha dhe të birin e tij Ledian Hoxha. Ata akuzohen për korrupsion. Dyshimet janë se gjyqtari dërgoi të birin në një lokal që të merrte para për një vendim të një procesi gjyqësor civil që gjyqtari Hoxha, do të jepte më 3 maj 2016. Sipas të dhënave paraprake bëhet fjalë për një shumë prej 600 mijë lekësh.
Gjyqtari Ibrahim Hoxha ka qenë në hetim prej disa kohësh pas një dyshimi për një rast tjetër korrupsioni.
