Kisha Katolike vlerëson me entuziazëm vendimin e Papa Franceskut për shenjtërimin e Nënë Terezës
Kreut i Konferencës Ipeshkvnore, imzot Angelo Massafra, e vlerëson lajmin për shenjtërimin e Nënë Terezës si një mesazh për mbarë botën. Përmes një deklarate për mediat, Konferenca Impeshkvnore shpreh entuziazmin për vendimin e Papa Franceskut për shenjtërimin e Nënë Terezës duke theksuar se jeta e shqiptares Nënë Terëza duhet të na shërbejë si model frymëzimi në përditshmërinë e secilit.
“Ka qënë një lajm që na ka gëzuar shumë të gjithëve besoj, jo vetëm ne të krishterëve dhe katolikë. Duke pranuar Nënë Terezën si një bijë e këtij populli. Më 4 shtator bota do të flasë shqip. Të gjithë të përgatitemi për 4 shtator e që të jemi krenarë. Ndërkaq unë mendoj se mesazhi kryesor pas lajmit që na ka dhënë papa është që të jemi dhe ne të dashur me ata që kanë nevojë”, tha kreu i konferencës Impeshkvnore.
Nënë Tereza e Kalkutës shpallet shenjt pasi u vertetuan 2 rastet e mrekullive, ku ajo arriti të shëronte dy të sëmurë, një grua nga Kalkuta dhe një të ri nga Sao Paolo. Por 2016-ta është një vit plot me lajme të mira për shqiptaret pasi së shpejti, Papa Françesku do firmos edhe dekretin e kanonizimit të 38 martirëve të fesë.
