Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Andi Bejtja i drejtohet zyrtarisht Avokatit të Shtetit: A është e vërtetë që Shqipëria i detyrohet Francesco Becchetti-it 140,000,000.00 Euro?

Nga 27.al 0

Koha për transparencë:
Transparenca, detyrim moral dhe ligjor për shqiptarët
Dje, i dërgova një letër Avokaturës së Shtetit mbi të ashtuquajturën çështje “Becchetti”. Jo vetëm unë, por të gjithë shqiptaret duan të dinë të vërtetën. Në pritje të përgjigjes së tyre, po e bëj publike letrën që i dërgova, me pyetjet përkatëse.

Kërkesë për informacion
Për: Z. Artur Metani
Avokat i Përgjithshëm i Shtetit
Avokatura e Shtetit
Rr. “Abdi Toptani”, Nr. Nr. 5, Kati 4, Tiranë
Nga: Z. Andi Bejtja
Gazetar i Lirë (Freelance)
[email protected]
I nderuar Z. Avokat i Shtetit,
Po Ju drejtohem si gazetar i lirë dhe ish-drejtues i mediave më të mëdha në vend, për momentin bashkëpunëtor i disa emisioneve televizive dhe analist në disa portale, për t’Ju bërë disa pyetje në lidhje me një çështje sensitive, për të gjithë opinionin publik shqiptar, atë të penalizimit të Shqipërisë nga Vendimi i Arbitrazhit ICSID për çështjen me nr. ARB/15/28 i datës 24 Prill 2019 për mbylljen e TV Agon Channel në vitin 2015.
E bëj këtë kërkesë bazuar në ligjin nr. 119/2014 “Për të drejtën e informimit” që garanton njohjen e publikut me informacionin që mbahet nga autoritetet publike në kuadër të transparencës e përgjegjshmërisë së tyre.
Me të drejtat që më jep ky ligj, kërkoj të më vihet në dispozicion nga institucioni Juaj si autoritëti që përfaqëson shtetin shqiptar në çështjet gjyqësore para arbitrazheve e gjykatave ndërkombëtare, informacionin e këkuar nga pyetjet në vijim:
1. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019, i marrë në unanimiet nga të gjithë anëtarët e gjykatës së Arbitrazhit, ka dënuar Shqipërinë me një dëmshpërblim direkt prej të paktën 110,000,000.00 Euro dhe indirekt për efekt res judiciata me një dëmshpërblim prej të paktën 30,000,000.00 Euro, pra për një total prej të paktën 140,000,000.00 Euro?
2. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019, ka përcaktuar se shoqëria “Agonset” Sh.p.k është shpronësuar në mënyrë të paligjshme, e për rrjedhojë sekuestrimi dhe baza e tij, si dhe veprat penale të pretënduara, janë të pabazuara?
3. A është e vërtetë se Vendimi i Arbitrazhit ICSID për çështjen me nr. ARB/15/28 i datës 24 Prill 2019 flet për persekutim politik nga ana e qeverisë Rama ndaj ortakëve të Agonset Sh.p.k?
4. A ka çështje të tjera gjyqësore me z. Francesco Becchetti, për të cilat Shqipëria rrezikon të paguajë dëmshpërblim si pasojë e sjelljes së qeverisë ndaj tij?
Mbetem në pritje të informacioni të kërkuar më sipër, të cilin mund të ma dërgoni në postën elektronike personale: [email protected]
Me repsekt,
Andi Bejtja
Gazetar i Lirë (Freelance)

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej