Kryeministri Rama priti në Tiranë trajnerin italian të Bajernit, Karlo Ançeloti, për promovimin e librit “Lidershipi i Qetë”, të cilin e kishte pëlqyer shumë, megjithëse nuk ka lidhje me mënyrën e tij të të bërit lidership
Mbrëmë, i ftuar i veçantë i kryeministrit Edi Rama ka qenë një nga fituesit më të mëdhenj në futbollin europian, trajneri aktual i Bajernit të Mynihut, Karlo Ançeloti. Në takim merrnin pjesë figura të sportit dhe politikës, si dhe gazetarë, ndërkohë që gjithçka organizohej me rastin e promovimit të librit të ri të teknikut italian, “Quait Leadership; Winning Hearts, Minds and Matchs” (Lideshipi i Qetë, Të Fitosh Zemrat, Mendjet dhe Ndeshjet. Nga leximi i librit (i vetmi që e kishte bërë në atë sallë një gjë të tillë, pasi askush nuk kishte siguruar ende një kopje), kryemninistri kishte mbetur i befasuar për mënyrën e drejtimit të Karletos, pa pasur nevojë të bëhet agresiv. “Unë nuk shquhem për qetësi, gjithësesi më ka goditur ky libër”, tha kryeministri i buzëqeshur, duke lënë të kuptohet që lidership mund të bëhet edhe me mënyrën e tij. Më pas, Ançeloti tregoi se si ka mundur të përshtatej me kultura, karaktere dhe mënyra të ndryshme jetese, duke qenë përgjithësisht fitues, si në Milano, Londër, Paris, Madrid dhe tani në Mynih ku i kërkohen më shumë se një trofe. Duke qenë edhe modest (kjo është arsyeja që kudo është edhe i dashur), tekniku tha se në jetë i kishte rënë edhe llotaria, duke pasur mundësinë të punonte me Arrigo Sakin, si dhe komplimentoi De Biazin për punën e bërë në krye të eipit tonë Kombëtar.
