Ambasada shqiptare në Athinë ka hapur dyert për emigrantët për t’u njohur me ndryshimin e ambienteve të reja, si dhe ka çelur një panair libri e fotografie dhe një vepër reliev punuar nga Sokrat Lambro kushtuar Skënderbeut, Dedë Gjon Lulit, Isa Boletinit…
Por, një incident ka ndodhur pasi për herë të dytë Ambasada e Repubikës së Shqipërisë ka ndaluar gazetarin e Fax News të filmojë me pretendimin që urdhëri është dhënë nga ambasadorja.
Hera e parë ishte gjatë takimit që pati ministri i Diasporës dhe i Shtetit Pandeli Majko.
Në fillim gazetari është ndaluar nga konsulli Çakulli që sipas tij është ndaluar të filmohet brenda në ambientet e ambasadës, në një kohe kur të tjerë televizione ishin brenda.
Sipas Çakullit dhe zëvendësambadasorit Nova ndalimi është bërë nga lart, që lë të nënkuptohet kreu i saj.
