Juventusi u mposht nga Interi dhe trajneri Massimiliano Allegri për DAZN pas ndeshjes tha: “Ishte një lojë e mirë nga skuadra ime. Luajtëm mirë, goditëm në portë dhe është për të ardhur keq për humbjen. Ishte një Juventus i mirë. Ekipi po përmirësohet, patëm shumë vertikalizime, i gjetëm sulmuesit”.
“Tani njerëzit mund të thonë përfundimisht se Juventusi është jashtë garës për titull. Thjesht duhet të marrim sa më shumë pikë për të siguruar vendin e katërt dhe më pas të përgatitemi për fillimin e sezonit të ardhshëm”.
“Sezonin tjetër do të punojmë së bashku për një vit, kështu që do të përpiqemi të fitojmë titullin kampion. Këtë vit e nisëm keq dhe u desh të rikuperonim shumë ndeshjen. Jemi mundur nga gabimet individuale në ndeshjet e mëdha.
Duhet ta shohim gotën gjysmë plot. Po bëhemi një ekip, kemi ende mundësi për përmirësim dhe duhet të punojmë që të forcohemi. Do takohem me klubin për të diskutuar situatën, por tani nuk është momenti”, tha Allegri.
