Aleksandër Gjoka është pa më të voglin dyshim një nga këngëtarët më të dashur për shqiptarët. Të vjetër e të rinj, të gjithë e duan Aleksandër Gjokën, të gjithë i këndojnë me shpirt këngët e tij. Por nëse zërin e tij të rrallë e njohin të gjithë, Sandri ka qenë fjalëpak përsa i përket jetës së tij private. Këtë herë ai ka treguar diçka më tepër, për herë të parë ka ndarë me publikun të dhëna për jetën e tij dhe marrëdhënien e tij me alkoolin.
I ftuar pasditen e djeshme tek “Rudina” në Tv Klan, Gjoka ka thënë se për një periudhë ka qenë i varur nga alkooli derisa u kap nga policia. Gjoka ka thënë se është kapur duke drejtuar mjetin në gjendje të dehur, dhe pse që prej atij momenti nuk konsumon më alkool.
“Unë jam në dishezë tani, duhet të kujdesem për shëndetin se me aq sa kam pirë do i kem mbushur nja tre autobotë. Kam filluar të eci më shumë dhe të pi ujë. Ndihem më mirë dhe kam humbur shumë kilogramë”, ka thënë Gjoka.
