Aleanca për Mbrojtjen e Teatrit janë mbledhur për të protestuar në afërsi të Ministrisë së Brendshme, pasi ditën e djeshme disa anëtarë të kësaj aleance u shoqëruan në polici.
Sipas përfaqësuesve, të shoqëruarit janë goditur me shkelma dhe me shpulla nga efektivët e policisë, ndërsa kërkojnë dorëheqjen e drejtorit të policisë Ardi Veliu.
“Nuk jemi forcë politike dhe nuk kemi asnjë strukturë dhe skenar por bëjmë një thirrje dhe i ftojmë në kauz të gjithë këtij regjimi që është instaluar që ne do të jemi në shesh. Arrestimet e djeshme ishin absurde. Unë po flas për Aleancën pën për Teatrin që u sulmuam politikisht nga mazhoranca dhe nga e majta. Ne nuk duam të tërhiqemi, duam të drejtat që na i garanton Kushtetuta dhe e drejta jonë njerëzore.
Arrestimi është një tjetër sinjal tjetër, ato janë njerëz paqësor dhe që janë dhunuar dhe në komisariat, është një veprim prej kalamajsh nga ana e qeverisë dhe ne kërkojmë dorëheqjen e Drejtorit të Policisë. Dhe pse Turi i Surrelit nuk do të di nga të hidhet me datë 25 prill, vijon me arrogancën e tij, që atë po bjerr tashmë”, tha Neritan Liçaj për Abc News.
