Kryeministri i Kosovës Albin Kurti pritet të dalë në një konferencë urgjente për media në lidhje me koronavirusin së bashku me ministrin e Shëndetësisë, Arben Vitia në orën 17:30.
“Ju ftojmë të merrni pjesë në Konferencën për media lidhur me Koronavirusin Covid-19, e cila do të mbahet sot më 13 mars 2020 nga ora 17:30 në ndërtesën e Qeverisë së Republikës së Kosovës. Në këtë konferencë, mediave do t’u drejtohen Kryeministri i Kosovës, z. Albin Kurti, Ministri i Shëndetësisë, z. Arben Vitia si dhe përfaqëues të tjerë të institucioneve shëndetësore të Kosovës.”, thuhet në njoftimin e MSH-së.
Deri tani Kosova nuk ka konfirmuar asnjë rast me koronavirus, ndonëse qeveria ka vendosur të marrë masa mbrojtëse.
