Çështja e emigrantëve është kthyer në shqetësimin kryesor të Bashkimit Europian.
Dhe, duket se do të jetë edhe për shumë kohë, pasi numri i emigrantëve pritet të rritet.
Parashikohet që brenda këtij viti, në Europë të mbërrijnë plot 1 milion emigrantë, shumica nga Siria.
Kjo bëhet me dije nga kreu i agjencisë për mbrojtjen e kufijve të BE-së, “Frontex”, Fabrice Leggeri.
Vetëm në janar, në Europë kanë mbërritur 110 mijë emigrantë.
Dhe, duke parë që situata në Siri është përkeqësuar, pritet një valë e re emigrantësh.
“Është e pamundur të ndalosh këtë lum njerëzish, kur vetëm nga janari i këtij viti, numri i të ardhurve është 110 mijë. Eksperienca tregon qartë se, barrierat e telave me gjemba apo patrullimet në det nuk e ndalojnë fluksin e refugjatëve”, tha Legger.
