U mendua se emërimi i ministrave të rinj, do të sillte “paqe” për qeverinë Rama, por mesa duket për kryeministrin e vendit nuk do të ketë qetësi. Qarkullojnë zëra të shumtë se Meta do të vështirësojë propozimet e Ramës me mosdekretime. Së paku një prej ministrave mund të mos dekretohet.
Bëhet fjalë për Gent Cakaj, i cili ka qëndruar 6 muaj zëvendësministër i Jashtëm i pajisur me çertifikatë sigurie nga Drejtoria e Sigurimit të Informacionit të Kualifikuar, DSIK. Cakaj ka vetëm 1 vit që është bërë shtetas i Shqipërisë. Ai njihet si “ushtar” i Baton Haxhiut dhe është ithtar i ndryshimit të kufinjve dhe shkëmbimit të territoreve me Serbinë.
Vlen të theksohet se Meta vonoi të dekretojë ministrin Lleshaj, duke e arsyetur me faktin se ishte ende gjeneral në detyrë. Po cili do të jetë ministri i ri që nuk do të dekretohet nga presidenti dhe për ç’arsye? Meta do të marrë kohën e duhur për dekretimet dhe mosdekretimet.
Edhe Rama po e mirëpret. Ai deklaroi në konferencën e fundvitit para gazetarëve:
“Ministri i Jashtëm, Genti Cakaj duket të jetë një nga emrat më të kontestuar dhe të komentuar, megjithatë Meta do japë përgjigjie për çdo pyetje.”
