“Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion!”
Një deklratë e fortë e ministrit të drejtësisë Ylli Manjani, vendos nën akuzë të rëndë policinë e Shtetit dhe eprorët e saj. Në përgjigje të disa mediave, sipas të cilave, Balili kishte udhëtuar në Dubai me një ministër, ku aludohej për Ylli Manjanin, ky i fundit ka sqaruar se kurrë nuk ka qënë në Dubai dhe kurrë nuk ka udhëtuar me Klement Balilin. Përmes një mesazhi në facebook, Manjani thekson se Balilin duhet ta arrestojnë ata që e kanë në dorë dhe më pas ai do të tregojë se me kë ministër paska udhëtuar drejt Dubait.
Deklarata
Sipas disa analistëve portalistë dhe jo vetëm, paskam qenë në Dubai dhe me Klement Balilin.
Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion! Udhëtimet turistike i bëj ekskluzivisht me familjen time!
Shpifja nuk ndihmon askënd! Mbetem përkrahës i fjalës së lirë edhe kur kjo është shpifje!
Por me rastin e të 7-tave (muajve të urdhër-arrestit ndërkombëtar) edhe njëherë tërheq vemendjen: Ta arrestojë kush e ka në dorë! Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!
Mirupafshim deri në udhëtimin tjetër imagjinar..!
