Policia Rrugore e Tiranës ka vijuar kontrollet me Radar e Drager në rrugët e brendshme të Tiranës, ku gjatë 48 orëve të fundit ka pezulluar 92 Leje Drejtimi, si dhe ka arrestuar 8 drejtues mjetesh.
Policia Rrugore gjatë gjithë orëve të natës nga e premtja deri të dielën ka evidentuar dhe ndëshkuar 56 drejtues mjetesh që qarkullonin me shpejtësi tej normave të lejuara.
Shpejtësia në autostradë vijonte nga 130 km/orë deri në 195 km/orë. Në qendrat e banuara shpejtësia kalonte dy deri në tre herë më shumë se limiti i lejuar, nga 81 km/orë deri në 109 km/orë.
Për sa i përket drejtimit të automjetit nën ndikimin e alkoolit apo në gjendje të dehur gjatë 48 orëve të fundit janë arrestuar në flagrancë 7 drejtues mjetesh që drejtonin automjetet në gjendje të dehur apo tej mase të dehur.
Gjithashtu janë pezulluar 26 Leje Drejtimi për drejtim mjeti nën ndikimin e alkoolit, por jo deri në kufijtë e dehjes. Po ashtu janë pezulluar dhe 10 Leje Drejtimi për shkelje të tjera.
