Një aksident i rëndë ka ndodhur në Sllovaki, ku kanë mbetur të plagosur 70 persona. Bëhet me dije se shumë njerëz pësuan lëndime pasi një tren pasagjerësh u përplas me një lokomotivë të premten në Sllovaki. Sipas deklaratës së policisë sllovake të postuar në mediat sociale, 59 persona u lënduan lehtë, 11 pësuan lëndime mesatare dhe katër lëndime të rënda. 34 persona u transferuan në spitalet e afërta dhe të tjerë po marrin mjekim të specializuar.
Sakaq, bëhet me dije se në tren ndodheshin rreth 100 persona në momentin e përplasjes, e cila ndodhi pranë qytetit Vrutky në pjesën veriperëndimore të vendit. Treni u ndal për shkak të një defekti dhe u godit nga një lokomotivë e cila po i vinte në ndihmë, tha ministria. Vendi është afër një kryqëzimi të rëndësishëm hekurudhor ku linjat nga brendësia e vendit në Bratislavë takohen me ato të Republikës Çeke fqinje.
