Një aksident tragjik u shënua sot në Leshnicë të Korçës. Si pasojë e aksidentit, një person vdiq dhe 4 janë plagosur.
Mësohet se i vdekur ka mbetur drejtuesi i Golfit Agron Qamo dhe të plagosurit janë Fiqerete Qama, Daniel Hyka, Gentiana Akballa dhe K.A 10 vjeç.
Informacion i policisë:
Më datë 15.09.2019, në aksin rrugor Korçë-Pogradec, në afërsi të fshatit Leshnicë, ka ndodhur një aksident automobilistik, ku janë përplasur mjeti tip “Golf”, me mjetin tip “Benz” me drejtues shtetasin D.H.
Për pasojë, ka ndërruar jetë, drejtuesi i mjetit tip “Golf” dhe janë transportuar në Spital për mjekim 4 shtetas, ndër të cilët tre pasagjerë të mjetit tip “Golf”, si edhe drejtuesi i mjetit tip “Benz”, shtetasi D.H, të cilët ndodhen nën kujdesin e mjekëve.
Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit.
