Policia ka dhënë detaje për aksidentin e rëndë me 8 të plagosur që u shënua mbrëmjen e sotme në autostradën Levan-Mallkastër.
Sipas njoftimit zyrtar, mes të plagosurve janë edhe dy fëmijë të mitur të moshave 2 dhe 3 vjeç.
Ngjarja ka ndodhur konkretisht rreth orës 20:15, në fshatin Malas.
Shoferi i identifikuar me iniciale E. Gj., 36 vjeç, duke drejtuar automjetin tip “Benz” është përplasur me automjetin tip “Renault” me shoferin e identifikuar me iniciale D. L., 32 vjeç.
Si pasojë e përplasjes janë dëmtuar dy drejtuesit e automjeteve dhe gjashtë pasagjerët, e identifikuar përkatësisht me iniciale A. Gj., 25 vjeçe, A. Gj., 23 vjeçe, dy fëmijë të mitur 2 vjeç dhe 3 vjeç(pasagjerët e automjetit tip “Benz”); K. M., 30 vjeçe, C. R., 31 vjeç, (pasagjerët e automjetit tip “Renault”), të cilët ndodhen në spitalin e Fierit nën kujdesin e mjekëve.
Nuk dihen ende shkaqet e këtij aksidenti, por nga të dhënat paraprake raportohet se mund të jetë bërë lagështia si pasojë e reshjeve të dendura të shiut.
Nuk përjashtohet as mundësia që shoferët e mjeteve të kenë shkelur sinjalistikat rrugore apo të kenë kryer parakalim të gabuar.
Ky aks rrugor vijon të jetë burim aksidentesh.
Grupi hetimor po punon për zbardhjen e shkaqeve të aksidentit
