Ish-ministri Arben Ahmetaj u përfshi gjatë natës së mbrëmshme në një aksident të rëndë në Maqedoni.
Sipas policisë së shtetit fqinj Ahmetaj në momentin e aksidentit shoqërohej nga 3 persona të tjerë, ndërsa shkak mendohet të ketë qenë lagështira.
“Në momentin e aksidentit, Arben Ahmetaj udhëtonte bashkë me 3 shtetas të tjerë, të gjinisë meshkuj, kur nga lagështira në rrugë ka ndodhur aksidenti”, thonë burimet nga policia maqedonase.
Ahmetaj, por dhe udhëtarët e tjerë që ndodheshin në makinë me të, kanë marrë lëndime të lehta, pavarësisht se makina e tyre është përmbysur.
