Aksidenti i autobusit me kosovarë në Serbi, Haradinaj: Vetëm dy udhëtarë u dërguan në spital

Një autobus me udhëtarë nga Kosova që po qarkullonte nëpër Serbi, është aksidentuar dhe si pasojë, të paktën dy nga udhëtarët kanë marrë lëndime.

Kryeministri i Kosovës, Ramush Haradinaj ka thënë se përveç dy udhëtarëve që janë lënduar dhe hospitalizuar, por që nuk janë në rrezik për jetë, udhëtarët tjerë nuk kanë pasur nevojë për trajtim mjekësor.

Në një postim në rrjetin social Facebook, kryeministri Haradinaj ka shkruar se për aksidentin e autobusit që ka ndodh në Serbi, është informuar nga shefi i Zyrës Ndërlidhëse të Kosovës në Beograd, Valdet Sadiku.

“Do të vazhdojmë ta përcjellim në çdo moment gjendjen e qytetarëve tanë, por edhe të udhëtarëve tjerë” ka shkruar ai.