Një aksident tragjik ka ndodhur mbrëmjen e djeshme në Tiranë dhe si pasojë kanë humbur jetën dy të rinj.
Mësohet se viktimat janë shtetasit Kejdi Halili, 21 vjeç dhe këngëtari Ergi Dini, 22 vjeç, fitues i konkursit muzikor X Factor të 2014.
Sipas policisë të rinjtë po udhëtonin me shpejtësi të madhe me një motor pranë urës së “Bllokut” në Bulevardin “Bajram Curri”, ndërsa drejtuesi ka humbur kontrollin e mjetit.
Shtetasit u dërguan menjëherë në Q.S.U.T për të marrë ndihmën e nevojshme mjekësore por kanë ndërruar jetë si pasojë e dëmtimeve të shumta.
Policia dhe grupi hetimor po punon për zbardhjen e plotë të shkaqeve të ngjarjes.
