Një aksident i rëndë ka ndodhur në afërsi të fshatit Zvezdë në Korçë ku për pasojë kanë mbetur të plagosur drejtuesi i mjetit dhe 4 pasagjerë.
Mësohet se automjeti tip “Nissan” me targa greke i drejtuar nga shtetasi Q.T, rreth 47 vjeç, banues në Cërrik ka dalë nga rruga.
Të plagosurit B.T, 49 vjeç; F.T, 46 vjeç, S.T, 19 vjeç banues në Cërrik dhe E.M, 35 vjeç, banues në Gramsh janë transportuar menjëherë në Spitalin e Korçës për të marrë ndihmën e nevojshme mjekësore.
Shtetasi B.T. aktualisht ndodhet në gjendje të rëndë shëndetësore.
Policia po heton për zbardhjen e rrethanave të aksidentit.
