Një aksident i rëndë ka ndodhur sot në Milot, ku për pasojë një person ka humbur jetën.
Mësohet se ngjarja ka ndodhur në rrugën dytësore Pllanë-Rrubik, ku një automjet tip “Benz” me targa AA 272 JN ka dalë nga rruga dhe ka rënë në lumin Mat.
Bëhet me dije se viktima dyshohet të jetë drejtuesi i mjetit. Të njëjtat burime theksuan se shoferi po udhëtonte nga Miloti në drejtim të fshatit Berzanë.
Pas kontrolleve të ushtruara rezultoi se në mjet apo dhe jashtë tij nuk ka pasur persona të tjerë. Deri më tani nuk dihen rrethanat e ngjarjes, ndërsa vijojnë hetimet.
