Një 37 vjeçar shqiptar ka humbur jetën si pasojë e një askidenti të rëndë në Itali.
Emigranti shqiptar Xhevahir Hoxha, 37 vjec ka humbur jetën ndërsa udhëtonte me automjetin e tij tip Opel Zafira në territorin e Nuvolerës në provincën e Breshës. Automjeti i tij është përplasur me një makinë të tipit Volvo, një rulot me targë gjermane ku po udhëtonin për pushime në Itali një familje gjermane me dy fëmijë të vegjël të moshës 1 e 4 vjeç.
Përplasja ka qënë shumë e dhunshme sa rimorkio e rulotit është rrotulluar në ajër e pjesët e tij kanë goditur makinën e shqiptarit duke i shkaktuar vdekjen e menjëhershme.
37 vjeçari shqiptar me profesion murator ishte me origjinë nga qyteti i Durrësit ndërsa prej vitesh jetonte në komunën Botticino në Itali.
