Një person ka gjetur vdekjen dhe pesë të tjerë kanë mbetur të plagosur në një aksident rrugor që ndodhi mëngjesin e sotëm. Ngjarja e rëndë ka ndodhur në aksin nacional Lezhë-Laç pranë Milotit në hyrje të Rrugës së Kombit.
Dy automjete janë përplasur midis tyre duke shkaktuar ngjarjen e rëndë, e cila la pas vdekjen e një 70 vjeçareje, pasagjere në njërin prej mjeteve. Policia sqaron njëri nga makinat është me targa të Kosovës. Viktima është shtetasja me iniciale G.F, banuese në Tiranë. Të plagosurit janë dërguar në spital për ndihmë mjekësore.
Deklarata e policisë:
Më datë 30.07.2016, rreth orës 06.40, në autostradë, në afersi të tregut të Milotit, janë perplasur mjetet Nissan AA316IV, me drejtues shtetasin D.F. dhe mjeti Opel me targa të Kosovës 07-689-AN, me drejtues shtetasin kosovar A.C.
Për pasojë ka gjetur vdekjen pasagjerja e mjetit Nissan, shtetasja G.F. rreth 70 vjeçe, banuese në Tiranë dhe aksidentuar 5 persona të cilët po dërgohen në spitali për ndihmën e nevojshme mjekësore. Policia në vendngjarje po kryen veprimet.
