Bastian Schweinsteiger i jep lamtumirën kombëtares gjermane të futbollit. 31-vjeçari e bëri të ditur vendimin e tij nëpërmjet një letre të hapur për të gjithë tifozët gjermanë. Me fanellën e kombëtares së Gjermanisë, Schweinsteiger numëron 120 ndeshje, 24 gola, ndërsa është shpallur 1 herë kampion bote në vitin 2014.
“I kam kërkuar trajnerit që mos të më përfshijë në listën e lojtarëve të ftuar për kombëtare pasi që dua të mos aktivizohem më. Më është dhënë mundësia që të koleksionoj 120 ndeshje me kombëtaren ku kam kaluar momente të mrekullueshme. Trajnieri Low e ka ditur se sa vlente për mua që të isha në Euro 2016 dhe sa e doja titullin e kampionit të Evropës, por ja që nuk ishte e thënë që ta fitonim. Megjithatë triumfi në Botërorin e vitit 2014 ishte një e arritur historike që në aspektin emocional nuk do të mund ta përjetoj më. Prandaj dua t’iu falënderoj të gjithëve për gjithçka që më keni dhënë”, ka shkruar Schweinsteiger në njoftimin e tij.
