Një aksident i rëndë ka ndodhur gjatë ditës së sotme në Tiranë.
Sipas informacioneve, një makinë ka humbur kontrollin duke dalë nga rruga. Si pasojë e aksidentit ka ndërruar jetë në vendngjarje pasagjeri me iniciale H. D., 68 vjeç.
Ngjarja ka ndodhur në orën 15:00 tek shkallët e Tujanit. Nga aksidenti kanë mbetur të plagosur edhe dy persona të tjerë.
“Më datë 22.11.2020, rreth orës 15:00, tek shkallët e Tujanit, mjeti me drejtues N.K., duke qarkulluar me mjet në një zonë e cila është kantier ndertimi, ka humbur kontrollin e mjetit dhe për pasojë janë dëmtuar pasagjerët B.K dhe B.K., të cilët janë nisur me ambulancë për në spital, dhe ndodhen nën kujdesin e mjekëve. Ndërsa pasagjeri tjetër shtetasi H.D., 68 vjeç, ka ndërruar jetë në vëndngjarje si pasojë e plagëve të marra. Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes”, shkruhet në njoftimin e policisë.
