Një aksident i rëndë rrugor ka ndodhur në orët e para të mëngjesit në Lutago të Italisë, ku për pasojë humbën jetën 6 persona dhe u plagosën 11 të tjerë.
Mjë makinë me shpejtësi të lartë goditi një grup njerëzish në buzë të rrugës, të cilët ishin të gjithë turistë të rinj gjermanë.
Grupi i turistëve gjermanë ndodhej pranë një autobusi turistik, kur u godit nga një makinë, e cila drejtohej nga një 28-vjeçar që rezultoi me përmbajtje shumë të lartë të alkolit.
I riu është arrestuar dhe dërguar në Spitalin Brunico për t’iu nënshtruar analizave përkatëse.
Nga 11 të plagosurit, tre janë në gjendje të rëndë, mes tyre një grua. Kjo e fundit u transportua me helikopter gjatë natës, drejt klinikës universitare të Innsbruck, Austri.
