Një aksident i rëndë ka ndodhur ditën e sotme në Kosovë, ku janë plagosur rëndë 4 qytetarë. Sipas të dhënave ngjarja ka ndodhur në rrugën “Afrim Zhitia” në Prishtinë, ku shoferi ka humbur kontrollin e mjetit dhe ka përplasur katër këmbësor. Zëdhënësi i Policisë së Kosovës për rajonin e Prishtinës, Agron Borovci ka thënë se aksidenti ka ndodhur rreth orës 18:00. Këmbësorët janë dërguar me urgjencë në spital për të marrë trajtim mjekësor. Bëhet me dije se ata kanë marrë plagë të shumta, por ndodhen jashtë rrezikut për jetën
“Rreth orës 18:00, është raportuar për një aksident trafiku të ndodhur në rrugën “Afrim Zhitia” në Prishtinë. Nga informatat e para bëhet e ditur se në aksident janë përfshirë një veturë dhe katër këmbësor. Për pasojë, katër persona, kanë pësuar lëndime trupore dhe të njëjtit janë dërguar për trajtim mjekësor në QKUK”, ka thënë Borovci. Për aksidentin e ndodhur, kanë nisur hetimet për të mësuar rrethanat e ngjarjes, ndërsa dyshohet se makina ka pasur probleme me frenimin dhe shoferi po ecte me shpejtësi tej normave të lejuara.
