Deputeti Agron Duka, në një prononcim për mediat, është shprehur se policia dhe hetimi tatimor kanë zbarkuar ditën e sotme në bizneset e Armand Dukës. Sipas tij, ky është një sulm i hapur i qeverisë dhe i Erion Veliajt.
“I ka marrë të gjitha institucionet dhe do të marrë edhe këtë, do ta marrë me dhunë. Jo nëpërmjet këtyre kërcënimeve. Absolutisht që nga Erion Veliaj. Këto kanë shkuar edhe në sinkron. Kanë shkuar edhe tek anëtarët e tjerë të federatës që merren me biznese. Kanë shkuar edhe tek të tjerët” – është shprehur Duka.
Duka më tej është shprehur se ky është një sulm në të drejtën qytetare që rrezikon lirinë e njerëzve dhe të biznesit.
“Ky është një sulm në të drejtën qytetare. Nuk është problemi vetëm i joni, por i mënyrës se si veprohet. Kjo është shumë e ndyrë, rrezikon lirinë e njerëzve, biznesit. Kërkon të marrë të gjithë pushtetin në Shqipëri. Një akt shumë i shëmtuar” – është shprehur gjatë prononcimit, deputeti Agron Duka.
