Presidenti Hashim Thaçi dekoroi me medaljen “Urdhëri i Pavarësisë”, shkrimtarin e madh shqiptar Ditëro Agolli. Vetë Presidenti vizitoi banesën e shkrimtarit për ti uruar 85 vjetorin e ditëlindjes por dhe për ti dorëzuar dekoratën.
Dritëro Agolli: “Kam besim se Kosova në një të ardhme të afërt do ia kalojë të gjithë vendeve, sepse ka përgatitur kuadro në të gjithë fushat, emigrimi ka bërë mirë. Ju kini shumë kuadro në fushën e mjeksisë të organizimit ekonomik, të kulturës. Keni një tokë të pasur. Do të ecni aq përpara sa do të çuditeni.
Edhe ne si shtet shqiptar përtej Drinit bëjmë punën tonë. Shpesh herë ata në parlament zihen por vetëm për Kosovën nuk zihen. Vetëm kur bie llafi për Kosovën nuk ka sherr. Gjithmonë do përpiqem të punoj për të ngritur lart Kosovën.”
