Tenori i famshmëm shqiptar, Agim Hushi ka reaguar në rrjetin social Facebook, mbi koncertin e mikut të tij, violinistit Shkëlzen Doli.
Hushi sqaron miqtë se koncerti i quajtur si “Koncerti i Vienës”, që do të zhvillohet në Tiranë me datë 2 janar, nuk është vërtetë “Koncerti i Vienës”, por një koncert me një ansambël me pesë artistë nga Viena.
Tenori i bën thirrje politikës të mos bëjë show me talentin e Shkëlzen Dolit, pasi ai do ta mbushte sallën dhe i vetëm në skenë, pa ndihmën e politikës.
Agim Hushi:
Të dashur miq që më keni shkruar në inbox dhe më kini kërkuar tju ndihmoj për bileta për koncertin e mikut tim, violinistit Shkëlzen DOLI.
Ju sqaroj së pari se mënyra se si po reklamohet ky koncert për arsye të ndryshme, përfshire ato partiake, nuk është as e vërtetë, as profesionale.
Për këtë nuk mund të gjykohet miku im i mirë dhe violinisti i mrekullueshëm Shkëlzen Doli.
NUK PO VJEN FILARMONIA E VIENËS NJË DITË PAS KONCERTIT TRADICIONAL TË FAMSHËM NË VIENË ME 1 JANAR, POR NJË ANSAMBËL ME 5 VETË NGA VIENA, ME INSTRUMENTISTË ME ORIGJINË NGA VENDE BALLKANIKE, PJESË E TË CILIT ËSHTË DHE SHKËLZENI.
Këtë njoftim e bej për të sqaruar miqt e mijë këtu në Tiranë dhe për ti thënë poltikës mos bëjë show-n e radhës me talentin e Shkëlzen Dolit, talenti i të cilit ia vlen të dëgjohet edhe i vetëm në skenë dhe do mbushte sallen edhe pa ndihmën e Partisë.
