9 zyrtarë janë dënuar me burg nga Gjykata e Kavajës pasi akuzoheshin nga prokuroria për abuzime me pronat në plazhin e Spillesë.
Pas disa seancave gjyqësore, gjykata ka urdhëruar dënim me 18.8 vite burg në total për të gjithë të pandehurit.
Janë dënuar shtetasit: Seid Cikalleshi me 2.8 vite burgim dhe 2 vjet heqje të drejte për funksione publike, Andi Gjeçi 2.4 vite burgim dhe 2 vjet heqje të drejte për funksione publike, Asim Arkaxhiu 2 vjet burgim dhe 2 vjet heqje të drejte për funksione publike, Aldo Kila 1.8 vite burgim dhe 2 vjet heqje të drejte për funksione publike, Ilir Kaja 3 vjet burgim dhe 2 vjet heqje të drejte për funksione publike, Agron Xhelezi 2 vjet burgim dhe 2 vjet heqje të drejte për funksione publike, Drita kazazi 2 vjet burgim dhe 2 vjet heqje të drejte për funksione publike dhe Aida Gjoci 8 muaj burgim.
Gjithashtu Gjykata urdhëroi që 5 parcelat e tokës të kalojnë në pronësi të Shtetit, ndërsa pas hetimeve rezultoi se ish-zyrtarët janë përgjegjës për tjetërsimin e pronave.
Një vendim i marrë në muajin prill nga gjyqtari Rexhep Bekteshi, i jep zyrtarëve të drejtën e uljes së 1/3 së dënimit për shkak të gjykimit të shkurtuar.
