Ditën e sotme për të gjithë besimtarët myslimanë nisi Muaji i Ramazanit e bashkë me të edhe agjërimi. Në programin “Abc e e Pasdites” me moderatorin Ermal Peçi ishin të pranishëm Albana Daka, Artenisa Ozaj dhe Enertila Bekteshi, të cilat ndanë me ne përvojën që ato kanë me muajin e shenjtë.
Pyetja që të gjithë bëjnë në këtë kohë është nëse mund të bëhet vaksina gjatë agjërimit duket se mori përgjigje.
“Unë do thosha vaksinimi sidomos te personat që nuk e kanë kaluar Covid-in, pra që edhe nuk kanë një sensibilitet të shtuar në raport me ata që e kanë kaluar, nuk është ndonjë problematikë. Megjithatë në raste të caktuara në qoftë se në dy ditët apo 24-48 orë mbas vaksinës mund të komplikohet me një temperaturë të lehtë mund të jetë edhe një pauzë ato ditë për të marrë ndonjë ilaç. Në finale është shëndeti i parë në të gjitha besimet si atë islam dhe të krishterë”, tha doktoreshë Albana Daka.
Doktoresha u ndal edhe tek të mirat që agjërimi i fal shendetit tonë, pasi ai gjatë këtij procesi bën një detoksifikim të vetes. Ndërkohë psikologia Enertila theksoi se përqëndrimi tek njerëzit që agjërojnë është më i lartë se aktiviteti i kategolaminës është më i lartë dhe parandalon depresionin, ankthin. Gjithashtu ajo është e befasuar sepse të rinjtë janë ato që gjithmonë e më shumë janë dashamirës ndaj besimit dhe traditave fetare.
Artenisa Ozaj, një katolike, tregoi se përherë shtron iftar për miqtë e saj myslimanë që mbajnë rregullisht agjërim.
“6 vite që shtroj iftar. Miqtë e mi më kanë treguar dhe mësuar se kur ti shtron iftar Zoti ta quan sikur ke agjëruar për aq ditë sa kemi agjëruar edhe ne”.
