Ende autori i librit “Gurët e vetmisë” nuk ka vendosur të zbulojë identitetin për publikun, duke u sjellë njësoj si në rastin e romanit “Hide në kalldrëm”. Gazetarja Bieta Sulo e “Ftesë në 5” në Top Channel nuk e fshehu kërshërinë për identitetin e autorit dhe arriti t’i marë një gjysëm premtimi botueses që shpejt ky njeri do të dalë në dritë.
Sipas botueses Loreta Bërhami, “Gurët e vetmisë” ka disa kapërcime në kohë që e bëjnë librin magjik, ngjan me përrallat që më rrëfenin dikur gjyshet. Te “Gurët e vetmisë” të gjallët bashkëjetojnë me të vdekurit, ndërsa tonet e ironisë dhe humorit e bëjnë rrëfimin më të rrjedhshëm dhe më të thjeshtë.
Bëhet fjalë për një roman plot me foklor, mite shqiptare, gojëdhëna, por shtyllën kurrizore ka një histori familjesh toske që zbërthehet duke treguar një pjesë historie pothuaj të panjohur të Shqipërisë. Deri diku ky roman mund të konsiderohet edukues, sepse rreket të largoje tisin e rëndë të harresës.
Ftesë në 5, Autori anonim shqiptar vjen me librin e dytë ”Gurët e vetmisë”, 26 Tetor 2018, Pjesa 2
