Pas formimit të qeverisë së Kosovës, Presidenti i Serbisë Vuçiç ka lëshuar akuza të forta ndaj kreut të ri të qeverisë së Prishtinës, Ramush Haradinaj duke e quajtuar këtë të fundit kriminel.
Në një konferencë për mediat, Vuçiç ka folur për hyrjen e Listës Serbe në Qeverinë e Kosovës, duke thënë se ajo nuk ka pasur alternativë tjetër.
Sipas Vuçiç, alternativa e Listës Serbe që t’i bashkohet Albin Kurtit është më e keqe, pasi ai dhe partia e tij angazhohen për bashkim me Shqipërinë.
Presidenti i Serbisë shtoi se sipas tij Kosova dhe Metohia janë çështje që i përkasin të tashmes dhe të ardhmes së Serbisë.
Vetëm pak ditë më parë dy homologët Vuçiç dhe Thaci u takuan në Bruksel në një takim të ndërmjetësuar nga përfaqësuesja e jashtme e BE Mogherini ku të dyja palët u dakortësuan se faza e re e dialogur i hap rrugë anëtarësimit në BE.
