Këshilltarët e Lëvizjes Socialiste për Integrim në Këshillin Bashkiak të Tiranës kërkojnën nga Bashkia investime urgjente për klubin e futbollit Tirana, i cili menaxhohet nga kjo bashki. Përmes një letre drejtuar kryetarit të Këshillit Bashkiak, Aldrin Dalipi, këshilltarët e LSI-së, kërkojnë që Bashkia e Tiranës duhet të përballojë detyrimet që rrjedhin nga përqindja e përfaqësimit si aksionarë të Klubit të Futbollit të Tiranës, duke kthyer këtë ekip në vëmendje dhe traditën që meriton.
“Klubi Futbollit Tirana si një ndër klubet me histori dhe traditë në sportin shqiptar, ka dhënë kontributin e tij ndër vite duke prodhuar breza të tërë sportistësh me vlera qytetare.
Këta sportistë jo vetëm i kanë shërbyer krenarisë qytetare të Tiranës, por me talentin e tyre kanë dhënë kontributin në jetën sportive kulturore, kombëtare dhe ndërkombëtare, si ambasadorë të sportit shqiptar”, thuhet në letër.
POak ditë më parë kreu i PDIU-së Shpëtim idrizi dhe kreu i grupit parlamentar të LSI-së, Petrit vasili kërkuan nga bashkia vëmëndjen e duhur pë klubin e futbollit “Tirana”.
