Federata Shqiptare e Futbollit ka rishikuar kalendarin e Superiores duke bërë saktësisht 4 modifikime, kjo për shkak të pjesëmarrjes së ekipit të Skënderbeut në fazën e grupeve të Europa League.
Ndryshimet janë bërë për javën e tretë dhe javën e 15 të sezonit, të cilat ishin parashikuar të luheshin më 20 shtator dhe 6 dhjetor. Këto dy javë do të spostohen më 24 shtator dhe 10 dhjetor, respektivisht.
Ndërkohë, javët që do të luheshin në këto dy datat e fundit do të rikuperohen gjatë vitit 2018, më 28 shkurt dhe 9 maj.
Ky vendim është marrë nga Komiteti Ekzekutiv i FSHF-së.
