Nga Alba Haruni
Drejtuar një portali dhe një gazetari specifik (e di vetë ai), nuk dua t’i bëj reklamë.
Është një portal dhe një gazetar që kujton se u bë deti kos dhe o burra…!
I them gazetar për të mos e ofenduar, pasi thjeshtë është një i paguar që këkon të nxjerrë nga varri një parti, e cila jetoi vetëm dy muaj elektoralë në vitin 2013. Një parti që u rrek të promovohej si “shpëtimtarja” e Çështjes Çame, por që rezultoi një sipërmarrje politike e dështuar që në nisje. Bëhet fjalë për Partinë Aleanca Popullore AP me “lider” zotin Artur Dojaka, një sipërmarrës i suksesshëm në bizneset e tij.
Në një intervistë të tij zoti Dojaka asokohe, në 2013, shprehej që partia e tij do ishte ndryshe nga PDIU, meqë sipas tij kjo parti po e përdorte Çështjen Çame për interesa materiale dhe përfitime punësimesh.
Duke iu bashkangjitur aleancës me PS dhe disa mini parti të tjera, zoti Dojaka premtonte se:
1. Do nxirrte nga sirtarët e Kuvendit Rezolutën e Çështjes Çame të vitit 2004.
2. Do niste procedurat për ndjekien e Çështjes në rrugë ndërkombëtare.
3. Do e kthente Çështjen Çame në agjendën e qeverisë shqiptare.
Deri këtu shumë bukur e mirë, por çfarë ndodhi?
Kjo parti nuk u votua në zgjedhjet e qershorit 2013, jo vetëm pse u krijua si kërpudha pas shiut, por sepse çamët ja kishin besuar çëshjten e tyre PDIU-së, asokohe në aleancë me PD-në.
Sjell në vëmendje dhe për gazetarin se AP morri në shkallë vendi rreth 6000 vota të shpërndara këto në Tiranë, Elbasan, Fier, Vlore, Durrës, prej të cilave Artur Dojaka në Durrës dhe Amos Dojaka në Vlorë nuk arritën të merrnin në total as 1500 vota. A mund ta quaj përkrahje????
Por, gazetari që priret të shkruajë në të tashmen për një të shkuar që nuk e njeh, asokohe përkrahte zotin Idrizi dhe platformën e tij. (Ku i ngeli hatri??)
Tani dua ta pyes unë këtë gazetar dhe sigurisht zotin Dojaka.
Ku qëndron problemi këtu????
1. Rezoluta e Çështjes Çame u miratua.
2. Procedurat ligjore kanë nisur me studion britanike të drejtuar nga aokati Kharim Khann, i njohur për çështjet e të drejtave të njeriut dhe gjenocidin.
3. Sot, Çështja Çame është pjesë e agjendës së qeverisë.
Të gjitha këto pika u vunë në zbatim, falë përpjekjeve të pandalura të zotit Shpëtim Idrizi dhe të gjithë strukturave politike të PDIU-në në një memorandum bashkëpunimi dhe me Shoqatën “Çamëria”.
Ateherë, ju pyes pse nuk patët burrërinë t’i zgjatnit dorën e bashkëpunimit bashkëpatriotit tuaj për ta zhvilluar e çuar më tej këtë rrugë?
Jua them unë: të gjithë e keni pak qejf tepsinë e për rrjedhojë i doni dhe “llokmat” e mëdha.
Mos na tregoni përralla me punësime, se realiteti shqiptar është i hidhur, s’ka parti pa elektorat punësimi. Duam apo s’duam një pjesë e mirë e votuesve në çdo parti priren nga interesat e vogla ekonomike dhe s’kanë faj.
Si përfundim, ajo çfarë keni ditur të bëni mirë si parti është se keni përcarë elektoratin tradicional çam. Nisur nga mbiemri i respektuar që mbani, Dojaka, një pjesë e vogël e çamëve dhe ju ndjek, por për një herë se më pas ktheheni në një zhgënjim total.
Dhe tani mjaft kërkuat të ringriheni mbi “humbjen” e një mandati të Tiranës.
Sigurisht ju prireni ta shihni si humbje të zotit Idrizi, ndërsa unë dhe shumë si unë plot 13000 qytetarë të Tiranës, e shohim si humbjen tonë, si një mospërfaqësim tonin, si një mungesë të zërit tonë në këtë Kuvend.
Një mesazh miqësisht dua tju jap: Mosni më me përçarje. Çamëria ju do të gjithëve bashkë.
Mbase ka ardhur koha???
