Prej ditësh në media kanë qarkulluar emrat e mundshëm që do të jenë pjesë e qeverisë së re të Shqipërisë.
Ndërsa sot po zhvillohet Asambleja e Partisë Socialiste, ku kryeministri Edi Rama do të shpallë qeverinë e re të vendit pas fitores së zgjedhjeve në 25 qershor.
Në fjalën e tij Rama tha se Shqipëria futet në një epokë të re.
“Jemi në fillesën e një projekti të ri politik bashkim njerëzish nga të gjitha stresat për të mundësuar këtë stad të ri për të qeverisur realisht me njerëzit me fuqinë e urgjencës së ndryshimit. Aleatët me një dorë në timon dhe një në tepsi u larguan.
PS do të udhëheq e vetme Shqipërinë, pavarësisht rrengjeve që na bënë të tjerët. Njerëzit e zakonshëm e bënë të tyren, ata e fituan betejën për ne, tani është radha jonë, të fitojmë betejën për Shqipërinë që duam për ata. Ky është mandati më i vështirë që unë marr vota për të bërë një detyrë, mandati më i vështirë që kur jam në këtë detyrë. Mund tia dalim vetëm duke u super motivuar që fuqinë numerike në parlament të mos e shkëpusim nga njerëzit”, u shpreh ai.
