Një studente me orgjinë shqiptare ka ndërruar jetë në spital pas aksidentit tragjik ditën e shtunë.
Bëhet me dije se 27-vjeçarja Eligersa Baha udhëtonte me biçikletë mbrëmjen e së shtunës në Solarolo të Italisë, kur u përplas nga një Fiat Punto, që drejtohej nga një tjetër vajzë e re në moshë.
Mësohet se studentja shqiptare kthehej nga puna si asistente e një të moshuari, natën kur u përplas nga automjeti.
Sipas mediave italiane ndonëse u transportua menjëherë në spital, të hënën në mëngjes studentja shqiptare ka humbur jetën.
