Si pasojë e një shkëmbimi përvojash mes Shqipërisë dhe Maqedonisë policitë e dy vendeve po patrullojnë në rrugët e njëri-tjetrit.
Prej një muaji efektivë të policisë shqiptare po patrullojnë në Strugë, ndërsa ata të Maqedonisë në Sarandë.
Sipas policisë, kjo vjen në kuadër të zbatimit protokollit të bashkëpunimit ndërmjet Ministrisë së Punëve të Brenshme Shqiptare dhe Ministrisë së Punëve të Brendshme të Maqedonisë.
“Zbatimi i këtij protokolli ka dhënë frytet e para ku qytetarët e të dy vendeve janë shprehur të kënaqur nga prezenca e Policisë së vendit të tyre duke u ndjerë më të sigurt. Kjo tregon se ky bashkëpunim duhet të shtrihet përgjatë gjithë vitit, kryesisht në zonat turistike”, thuhet në sqarimin e policisë.
