Institucionet shqiptare po vijojnë angazhimin për të bërë ç’është e mundur ën lirimin e Ballist Morinës.
SHF i ka vënë në dispozicion Ministrisë së Drejtësisë praktikën e ndeshjes Serbi – Shqipëri, për të cilën Gjykata e Arbitrazhit Sportiv (CAS) Lozanë, ka vendosur mbi incidentet e lidhura me sigurinë, apo më saktë mungesës së saj në Beograd.
Nga argumentet e këtij vendimi, FSHF shkruan se rezulton se incidenti i dronit, përbën një “gjë të gjykuar” nga drejtësia sportive, kjo pasi CAS e ka klasifikuar si një shkelje e natyrës administrative dhe jo penale.
Shqipëria fitoi tre pikët në tavolinë, gjykata sportive ka përmendur koret raciste si dhe dhunën e paprecedentë fizike që tifozët dhe personeli i stadiumit kanë ushtruar ndaj lojtarëve dhe stafit teknik të kombëtares shqiptare.
Përsa i përket dronit me simbole nacionaliste, Arbitrazhi bëri përgjegjëse FSHF dhe la në fuqi gjobën 100 mijë euro, ndërsa Serbisë iu hoqën tre pikë dhe u dënua me tre ndeshje pa tifozë, plus 100 mije euro gjobe.
Pikërisht kjo është prova që kapet FSHF duke e cilësuar si një shkelje administrative të konstatuar nga CAS ‘dronin’ për të cilin ka një gjobë 100 mijë euro dhe gjithçka e cilëson të mbyllur.
