Report Tv siguron videon e atentatit të djeshëm në zonën e Komunës së Parisit, në Tiranë, ku mbeti i plagosur me një plumb në shpatull, 24-vjeçari Lorenc Hoxha.
Siç duket edhe në video, dy persona zbresin nga një automjet tip BMW ngjyrë e zezë, dhe pak sekonda më pas dëgjohen të shtënat me armë.
Nga ngjarja mbeti i plagosur 24-vjeçari Lorenc Hoxha me origjinë nga Bulqiza i cili udhëtonte më një automjet tip “Benz” ngjyrë e bardhë.
Pas qëllojnë në drejtim të “Benzit”, autorët largohen në rrugica. Përplasjet me armë kanë vijuar edhe më tej deri te plagosja e 24-vjeçarit pranë “Unazës së Madhe”.
E gjithë ngjarja është filmuar nga kamerat e sigurisë dhe Policia pritet të identifikojë dy autorët, të cilët nuk arriti t’i arrestojë edhe pse ngjarja ka ndodhur në momentin e fluksit të trafikut në rrugë.
