Flamur Noka: Arrestimi është për motive të pastra politike dhe kjo ndodh vetëm në shtetet ku ka diktatura të pastra
Partia Demokratike mbron Kreshnik Spahiun e partisë Aleanca Kuq e Zi. Pak çaste pas shoqërimit në polici të kreut të AK-së Spahiu dhe disa aktivistëve të kësja partie, deputeti demokrat Flamur Noka e ka cilësuar një arrestim politik. Sipas PD-së, arrestimi ëhstë për arsye të pastra politike pasi ai protestoi para bashkisë së Tiranës.
“Shteti ligjor nuk ekziston më në këtë vend. Të arrestosh për protestë do të thotë të kthesh frymën e diktaturës dhe po vret frymën e protestës. Kjo qeveri është në panik. Është e papranueshme. Nuk ka vend në botë që ndodh kjo gjë që të arrestohet një kryetar partie në zyrë sikur të ishte një kriminel, sikur të ishte një vrasës. Për fat të keq kjo po ndodh rëndom në vend. Arrestohen qytetarë të lirë dhe personalitete, ndërkohë që trafikantë dhe kriminelë janë në Parlament. Nuk besoj se keni parë në këto tre vite të arrestohet qoftë edhe një kriminel. Arrestimi është për motive të pastra politike dhe kjo ndodh vetëm në shtetet ku ka diktatura të pastra”, tha Noka.
Krei i AK-së Kreshnik Spahiu, bashke me tre aktivistë të partisë së tij, u shoqëruan sot në polici pasi tentuan të bllokojnë duke gozhduar dyert e bashkisë së Tiranës.
